馬拉加「半場和」好路

猪拉多纳

西盃砌伊巴 慣性睇定食

今晚賽事以盃賽做主打，阿King近排成日睇西班牙波，其中西盃16強首回合獨腳戲，丙組仔伊巴越級挑戰歐聯分子馬拉加，理應係以卵擊石，不過馬軍作客例必保守，睇定嚟食，伊巴亦唔敢冒進，加上兩軍近3對碰半場均互交白卷，「半場和」值得跟進。

（周三凌晨3時開賽）

由於馬拉加季初流失多名主將，仲要兼顧埋歐聯賽事，「智利工程師」比歷連尼惟有於防守上多落工夫，其四人防線加雙防中的配備，鑄造今季聯賽16戰僅失10球的西甲最佳防守，拜仁棄將迪米捷利斯同隊長維列頓一夫當關，防中的伊拿斯奧甘馬曹及伊度拉走上走落，猶如在後防線前築起一道屏障，令門將韋利卡巴尼路非常得閒。
13場作客10次「半和」

唔好睇馬拉加位列前四，其實該隊作客演出保守，初段常與對手拉布打消耗戰，因此今季13場作客賽事，竟有10仗半場打和，包括上圈西盃對低組別球隊卡些連奴。況且陣中老將多兼賽程密，馬軍會拖慢節奏嚟踢，丙組仔伊巴亦有自知之明，就算坐鎮主場都唔會貿然進攻，雙方鬥磨下「半場和」好路。

至於荷盃多德勒支同阿爾克馬爾近期入得又失得，呢場大盤有計。最後英格蘭足總盃重賽，賓福特上次作客巴拉福特亦能保不敗，而且球隊近況回勇，近7主場贏6仗表現，今次返到主場值得再追，主勝要捧。