西甲快車皇蘇發「維」

猪拉多纳

今晚西甲快車有皇家蘇斯達主場迎戰褪色勁旅西維爾，皇蘇雖然進佔聯賽榜前列，但仍然謙稱會以護級為主要目標，結果成功幫班球員減壓，屢有驚喜表現，唔似得西維爾空有名聲但谷極都谷唔起，今晚兩軍對壘，小妹撐皇蘇2.17倍主勝！（開賽時間：周五清晨5:00）

咪以為西維爾係西甲名牌就有料到，查實佢哋同英超嗰隊利物浦一樣「冇料扮四條」，喺聯賽榜已經跌到落中下游位置，上仗輸畀馬拉加場波更有大批球迷柴台，叫做咗10年球會會長嘅迪尼度落台！

其實又難怪班粉絲咁嬲嘅，西維爾近6戰只係喺盃賽贏過榜尾嘅馬略卡同愛斯賓奴，聯賽又4場不勝，今季作客更只係贏過1場咁大把，又點叫人收貨先？
西維爾尼格度跌Watt

雖然客軍教頭米高仍然獲迪尼度力撐，但查實主要原因係球會根本冇錢換帥，更慘嘅係主力射手尼格度自從傷完復出，表現冇以前咁Sharp，旨意佢做救世主？死得人多啦！

相反，皇家蘇斯達家陣雖然喺聯賽榜排第9，但教練蒙坦尼亞仍然唔敢掉以輕心，表示首要目標係安全護級：「我哋好現實o架，要大約45分先至護到級，我哋有排都仲未拎到呢個分數。」呢種腳踏實地嘅精神，正係皇蘇接連攞到好成績嘅原因，佢哋喺聯賽已經6場不敗，仲曾經作客贏過前列分子馬拉加添！加上卡路士韋拿、米基干沙利斯同阿基列斯個個都有好表現，要贏頹爆嘅西維爾，唔難啦！
兩軍對賽旺開半場0:0

‧皇家蘇斯達最近8戰未試過半場落後。

‧西維爾近8仗7次開大。

‧雙方近3次交手都開半場0:0波膽。

猪拉多纳