拉科莫財亂晒坑 愛斯賓奴乘機抽水

猪拉多纳

愛斯賓奴自從由艾古爾揸旗後脫胎換骨，今晚主場出擊同拉科魯尼亞合演榜尾大戰，呢場6分波相信係佢老人家嘅開齋良機，撞啱拉科陷財困搞到死氣沉沉，1.72倍主勝應該走唔甩！（開賽時間：周五清晨5:00）
負債10億面臨託管

西甲踢埋今輪就歇冬，雖然愛斯賓奴暫列尾二，但筆者睇好佢哋下半季可以反彈，事關自從艾古爾喺11月尾上任之後，成隊波即刻Sharp醒晒，主場對住西維爾搶到分，上輪造訪巴拿貝仲以2:2逼和皇馬添，球員自信肯定返晒嚟啦！

賽前愛斯賓奴收到好消息，就係門將基斯甸艾華利斯已經復操，反觀拉科嗰邊就濕滯嘞，後衞艾約斯左腳肌肉撕裂肯定缺陣，就連首席射手里基都話腿筋有傷未必出得！而且有消息指拉科負債1億歐元（約10億港元）即將面臨託管，當地傳媒亦都話今場再輸嘅話，教練奧達拉就會冇得撈，陣營人人自危，仲邊會踢到好波吖？

猪拉多纳