勝風受硬不受軟

猪拉多纳

姚本輝訓練嘅四歲英國馬「勝風」，上鋪諗住搵徒弟呂卓賢減十磅喺泥地搏殺，點知輸到一滴都冇。今鋪輝哥即刻搵返馬偉昌幫手兼轉跑田草2000米，卒之變招得手打開勝門。
       
勝風開齋省招牌，姚本輝意氣風發。
硬性加七磅周五要退出

不過，原本輝哥仲幫呢隻馬報咗禮拜五嘅四班谷草一哩，但因為硬性加七磅超過133磅，被迫缺陣冇得匆匆再拚。
       
姚本輝

講開「勝風」，姚本輝就話呢隻馬好有性格，本身比較懶，唔係見習生可以發揮得到，所以今勻即刻搵返騎功硬淨兼老練嘅馬偉昌執韁，即刻交番水準。
       

輝哥話呢隻係正宗長途馬，依家先至四歲，今鋪贏馬開竅後，應該仲有大把世界，之後都會部署跑中長途為主，相信升上三班仲有機會添食。