維拉狂吞蛋未回雲

猪拉多纳

英超老牌球會阿士東維拉經歷災難快車期，三連敗狂失十五球入○球，全軍上下信心完全崩潰，淪為降班熱門球隊之一。維拉班年輕球員欠缺經驗對抗逆境，新年首戰作客史雲斯未到反彈時候，今戰捧史雲斯主Ｗ！

（有線303及203台周二晚11時直播）

英超聖誕快車期來臨前，阿士東維拉本來好哋哋，作客利物浦贏三比一更屬季內代表作，不過，自從喺快車期首戰作客車路士狂吞八蛋後，成班波完全散晒，跟手對實力分子熱刺淨輸四粒都算喇，上場主場對住同級球隊韋根竟然都大敗○比三勁羞家！維拉前鋒賓迪基死晒火，後防更加慘不忍睹，教頭林拔搞唔掂班後生仔，艾邦拉荷、戴倫賓特及李察鄧尼等年長球員又養緊傷，情況告急！
史雲斯進攻瓣數多

史雲斯今季打起咗個超級射手米捷，上場佢哋缺少呢個西班牙前鋒都能作客搞掂富咸，顯示班波並非一人球隊，後備箭頭丹尼格拉咸上仗擔正攻堅取得士哥，表現理想，今戰無論米捷踢唔踢得，都可保持火力，再加上柏保路靴南迪斯及約拿芬迪根斯文等人後上支援，班波進攻瓣數都幾多。史雲斯球員夾慣夾熟，地面推進非常流暢，面對維拉條豆腐防線實有大把機會，一於熱捧主勝啦。