AC齊心錫耶納聽輸鑊甘

猪拉多纳

AC米蘭歇完冬約戰咗低組別球隊柏迪亞，點知奇雲保定不斷受到主場球迷嘅種族歧視，結果成班球員決定離場抗議，齊心得嚟又有火。錫耶納今晚唔好彩要作客成肚火嘅「紅黑兵團」，恐怕會成為出氣袋，吼1.8倍「讓球主勝」。（開賽時間：周日晚10:00）

無可否認星散後嘅AC米蘭已經風光不再，不過佢哋喺11月開始表現好轉，聯賽只係輸過畀前列嘅羅馬同費倫天拿，對住基爾禾、佩斯卡拉、拖連奴呢類次級球隊就全部殺晒，仲場場至少省2粒。AC米蘭近期火力回升，皆因射手柏仙尼開始上力，近4場入咗3球，可以分擔新星艾沙拉維嘅入波責任，相信佢哋必會趁歐聯16強重開前搏命搶分。
錫耶納首席射手停賽

對家錫耶納喺歇冬前改由伊亞捷尼掌帥，不過都難逃輸波嘅命運，聯賽4連敗之餘，仲失咗12球咁多，加上佢哋飽受傷兵停賽問題困擾，連停賽嘅首席射手卡拿奧在內，今場起碼有幾個主力唔出得，殘陣想輸少啲都難。