巴拉福特硬淨唔怕維拉

猪拉多纳

「巨人殺手」出場，冇牙老虎遭殃！英格蘭聯賽盃4強首回合，阿士東維拉作客乙組仔巴拉福特冇甜頭。巴軍上兩圈憑堅固防守，搞到韋根、阿仙奴一戙都冇，目前信心爆棚；維拉雖有艾邦拉賀等主力復出，但作客讓波牙煙，捧「讓球主勝」！

（周三凌晨3時45分開賽）
上兩圈淘汰英超隊

巴軍今季變盃賽專家，憑藉滴水不漏嘅防守制敵，連兵工廠都炸唔散佢哋，絕對不能睇小。今場面對攻力下滑嘅維拉，一班後防根本未驚過。對上兩圈鬥英超對手，巴軍都唔使輸兼開細。

阿士東維拉主力如戴倫賓特、艾邦拉荷等已經傷愈，但上仗足總盃鬥葉士域治都贏得好辛苦，而聯賽盃四強打兩回合，維拉就算今仗唔贏，次回合返主場亦大把機會，「讓球主勝」值博！