拉素弗爆蘭唔住

猪拉多纳

搶分衝冠密密食

意甲拉素主場對阿特蘭大，拉素目前保持強勢，甚有機會挑戰聯賽冠軍寶座，遇上冇態兼入球能力甚差嘅阿特蘭大勝算高，1.52倍主Ｗ係Ali信心推介，進取啲可以捧埋2.52倍「讓球主勝」。（周日晚10時開賽）

經過19輪賽事，拉素目前已經攞到39分，落後祖雲達斯5分排次席，目前所得分數同佢哋喺1999-2000年球季聯賽奪標時一模一樣，適逢祖記近期狀態唔好開始失分，佢哋確有爭霸希望。拉素近13場正式賽事取得9勝4和不敗佳績，歇冬後聯賽重開，列強表現失色之時，佢哋一樣能夠喺全場佔優下反勝卡利亞里，上周中佢哋喺意大利盃半力出擊，一樣照炒卡坦尼亞3蛋，目前士氣一流，今晚陣中只有守將安德里戴亞斯養傷，強陣主場出擊，唔會放過追近榜首機會。
阿特蘭大死火等劏

相比之下，阿特蘭大近況差得遠，近7場聯賽只曾1勝，而且前線全面死火，近4場正式賽事只入得1球，仲只係12碼，箭頭丹尼斯同基奧斯比迪盧卡狀態低沉，基於創造力欠奉，近仗令人失望嘅進攻中場麥斯摩拉利斯將會貶為後備，球隊啱啱將後防領袖比路素賣咗畀祖雲達斯，另一主力守將盧基尼因傷上陣成疑，防線實力受損，今場點秤都唔夠着晒火嘅拉素砌。

Ali 推介：

拉素勝 ★★★★★

費倫天拿平手盤 ★★★

卡坦尼亞大 ★★★