愛斯賓奴老帥堅料

猪拉多纳

今晚西甲獨腳戲，由愛斯賓奴主場迎戰馬略卡，愛奴自墨西哥老帥艾古爾中途接手後撥亂反正，帶領球隊六戰只曾一敗，對住上仗臨尾香令士氣受挫嘅馬略卡，有望再下一城，今場主W咪錯過。

（周六凌晨4時開賽）

作為喺西甲打滾多年嘅老江湖，又帶過墨西哥國家隊打世盃，艾古爾嘅經驗毋庸置疑。雖然愛斯賓奴實力麻麻，但艾古爾最擅長限米煮限飯，先做好防務然後打反擊，並且激發球員嘅鬥心，呢兩招用嚟執教弱隊屢試不爽，該隊作客巴拿貝能逼和皇馬2比2，唔只搶番一分，信心亦提升唔少。
馬略卡士氣受挫

雖然馬略卡喺歇冬前後有番啲起色，可惜上仗作客華拉度列大部分時間踢得咁好，卻喺完場前守唔住輸波，嚴重打擊士氣，今仗仲有射手域陀缺陣，面對近六仗只係輸過畀巴塞嘅愛奴，睇怕好難全身而退，主W捧得過。