迪芬沙士砵亭主場打骰

猪拉多纳

周中屬於盃賽天下，阿King重點推介南美自由盃外圍賽首回合，烏拉圭球隊迪芬沙士砵亭主場對巴拉圭球隊奧林比亞會。兩隊上屆都係分組賽出局，實力相差無幾，地利成為最關鍵因素，迪芬沙士砵亭主場戰績彪炳，勢必趁機搶贏頭啖湯，1.8倍主W屬於過關佳選。

（周五早上6時開賽）

迪芬沙士砵亭係近年自由盃常客，07及09年更打入8強，球隊喺剛過去春季聯賽獲得亞軍，主場8戰6勝2和，同冠軍彭拿路一樣，贏波好有把握。尤其係主客兩回合賽事，主場一戰極其重要，迪芬沙士砵亭當然要好好把握地利優勢，爭取贏波，否則次回合作客會好難踢，今仗必搏。值得一提，雙方曾於10年南球盃交手，當時迪芬沙士砵亭主場贏兩球，作客亦不敗，有靚戰績支持，球員落場比賽，信心都高啲，可以秤先。