馬體會讓到過晒火位

猪拉多纳

西甲球會喺冬季轉會市場冇乜動作，兩大班霸巴塞隆拿同皇家馬德里紋風不動，相當靜局。西班牙國內經濟好曳，連大球會都捱得好辛苦，其他細會根本冇資金買人，若然使大咗都唔知點找數，隨時爆煲冇得玩，限米煮限飯，惟有以不變應萬變。
貝迪斯硬淨捧得過

西甲近年喺歐洲惡到暈，唔少歐洲大會睇實班西甲兵，其中馬德里體育會哥倫比亞射手法卡奧好搶手，睇怕佢哋都係留唔住呢個猛人。馬體會今季聯賽主場全勝，戰績好得人驚，不過，佢哋依家愈讓愈多，今次主場對貝迪斯讓到球半，又係過晒火位，今季貝迪斯好硬淨，大幅受讓着數。（now 632周一凌晨4時直播）