杜奧巴史奈達今晚騷哥利

猪拉多纳

今周歐聯16強同上周一樣，重頭戲都係放喺星期三晚，今晚萬眾矚目當然係AC米蘭主場對巴塞隆拿。Peter認為今屆歐聯冠軍，離不開巴塞隆拿、皇馬、曼聯、拜仁慕尼黑同多蒙特，當中以巴塞捧盃機會最高，除咗本身人強馬壯之外，球員亦要為癌病復發嘅教練維蘭路華而戰。巴塞將帥感情深厚，呢點已經成為佢哋爭標重要動力。
巴塞首回合態度存疑

雖然巴塞晉級機會高唱入雲，但要留意歐聯淘汰賽採取兩回合，巴塞首回合作客讓波，始終有暗湧，畢竟AC米蘭擁有豐富歐聯經驗，爛船始終有三斤釘。而且巴塞隨時等次回合返回主場，先至全力爭勝，考慮到呢點，所以呢場波忍手為妙。

建議押注另一場加拉塔沙雷主場對史浩克04，主隊讓平半要上盤。土耳其勁旅加拉塔沙雷早前簽下兩位球星史奈達同杜奧巴，整隊級數大為提升，兩人演出亦可人，杜奧巴之前仲喺聯賽入波，史奈達餓波已久，比賽特別落力。史浩克04無論實力或狀態都較遜，作客好難搵到着數。
金句：闊別大舞台半季，杜奧巴史奈達搏甩髀！