列斯黑池演入球騷

猪拉多纳

今日菠菜市場焦點仍然落喺兩場歐聯賽事度，肥叔就揀場英冠做重心，列斯聯主場對黑池，列斯聯剛於盃賽作客英超勁旅曼城大敗，兩隊根本唔同級數，場績可以抹咗去。列斯聯早前喺主場砌低英超球隊熱刺，惡氣十足，另一邊廂黑池就有新帥恩斯上任，兩班波今戰大打真軍，預期入波多，要大盤。

（周四凌晨3時45分開賽）

另外，歐聯十六強大戰AC米蘭主場對巴塞隆拿，兩隊都係歐洲班霸，近年巴塞如日方中，AC就處於重整期，今時今日兩隊距離愈拉愈遠。巴塞依家逢出必熱，今次作客都要讓到一球、球半，個盤非常誇張！AC雖然不復當年勇，但意大利球隊死守始終有一手，巴塞唔係話贏就贏，佢哋實在讓得太多，上盤好唔抵玩，不妨博下盤！
加拉塔沙雷升呢捧得過

同日另一戰加拉塔沙雷主場對史浩克04，主隊喺冬季大舉招兵買馬，幕後人心意明顯，淨係一個杜奧巴已經夠犀利，仲有埋史奈達助陣，成班波即時唔同晒。加拉塔沙雷個「地獄主場」以前出晒名，近年冇咁犀利，不過，隨住兩位球星加盟後，佢哋實力評級大幅提升，依家讓緊平半，個盤相當合理，呢隻上盤亦可留意。
肥叔心水

AC米蘭下盤

加拉塔沙雷上盤

列斯聯大