侯治柏度對辦主W抵玩

猪拉多纳

南美自由盃上周已經進行部分賽事，13場比賽開咗4個客W，比率算係唔低，當然筆者唔會因為一周嘅戰果就變陣，始終相信自由盃撐主隊先係王道。

來自智利嘅侯治柏度，就喺上周嘅H組賽事開出客W，擊敗嘅並非二打六，而係巴甲勁旅甘美奧，可見實力唔曳，相反今仗對手卡拉卡斯上仗主場都輸，對上18場自由盃客戰仲只係贏得兩場，今鋪造訪智利隨時再輸，先取1.55倍主W。

（開賽時間：周四早上6:45）
聖荷西靠高原嚇退哥連泰斯

至於上屆冠軍哥連泰斯，聽日就會喺E組登場，佢哋喺去年尾擊敗車路士，爆冷奪得世界冠軍球會盃，今年又有前AC米蘭射手柏圖加盟，今戰作客玻利維亞嘅聖荷西體育會，居然仲有得受讓平半，就梗係唔多對路啦。

聖荷西體育會係玻利維亞代表，高原主場威力當然唔講得笑，對上14次喺地頭出擊，就只係輸過兩場，反觀哥連泰斯上屆7場自由盃作客賽事，就只係贏得兩場，受讓平半真係便宜莫貪。

（開賽時間：周四早上9:00）
足球重心：侯治柏度（勝）、聖荷西體育會（上盤）

馬膽推介：1場(1)名城

上仗事隔3日匆匆再戰，負重磅兼且沿途際遇麻麻仍跑番個第4，算係喺5班站穩陣腳，今次抖夠再出排得好檔，可望提升名次。