熱刺強勢唔驚「里」

猪拉多纳

「齊天大聖」弗到痹

歐霸盃32強今晚上演次回合大戰，熱刺首回合雖然喺主場以2:1擊敗里昂，但今晚作客稍有差池就隨時出局，絕對唔會龜縮，小妹就睇好近況勇銳嘅熱刺喺「齊天大聖」加里夫巴利領導下，可以全身而退晉級16強，受讓平半絕對值捧，當然取1.81倍下盤啦！

（有線61、64、201及204、廣東體育周五凌晨2:00直播）
里昂星散接連大敗

法甲近年愈嚟愈失色，就連早年曾經連續7季封王嘅里昂亦風光不再，阿里施蘇高同米高巴斯圖斯等主將亦紛紛喺冬季轉會窗離隊，對球隊嘅影響亦立竿見影，轉會窗關閉後，由本身5場不敗到接連遭里爾及阿些斯奧大炒，都咪話唔大鑊！家陣已經係「熱刺人」嘅前里昂門神洛里斯望見舊東家落得如此境地，亦好感慨咁話：「好多球員都走晒喇，依家佢哋只可以依賴青訓產品，對佢哋嚟講絕對唔易過。」
熱刺歐戰作客4場不敗

雖然里昂啱啱喺聯賽大炒波爾多，總算出番啖氣，不過比近況嘅話就絕對係熱刺秤先，呢支英超勁旅近13場賽事除咗意外喺足總盃輸畀列斯聯外，其餘就一場都未輸過，其中喺首回合射入絕殺球嘅加里夫巴利更加踢到着火，一手包辦晒球隊近4場6個入球，難怪傳出獲得皇家馬德里以天價收購啦，小妹睇好佢今場會再做關鍵人物o架！

況且里昂自熱刺上次造訪後，近46年嚟都未試過喺主場贏英格蘭球隊，熱刺歐洲賽近4作客亦保持不敗，可以話剋住呢支法甲球隊，值得睇好吖！
兩隊鬥攻博入球大

熱刺雖然有領先優勢，但只要畀里昂攻入1球就隨時玩完，所以估計佢哋今場絕對唔會只守不攻，務求爭取作客入球穩陣出線。至於里昂當然會放手一搏力爭晉級，鬥攻嘅話有望延續呢支法甲球隊近8場6次開大嘅走勢，1.82倍入球大都抵玩o架！
熱刺旺開半場細

‧里昂7次喺主場迎戰英格蘭球隊，只得1勝5和1負。

‧里昂近8場有6次開入球大，熱刺則有4場開大。

‧熱刺近8場有6場開出半場入球細。

首回合：里客負1:2