隨心隨意形勢改觀

猪拉多纳

　　第九場第三班1400米，「隨心隨意」3歲仔未成熟，唔妥當地方至少有兩樣，出閘反應及陣上控制性，但兩出已獲1W1Q，尤其上場負133磅、初跑此程兼沿路三叠（冠季殿軍全程貼欄），真係少啲本事都冇可能有P，所以，末段唔夠「感恩」衝，事後覺得並唔係能力問題。

　　今仗升上三班跑，負磅大減，排埋內檔起步，應該採回前仗中置跑法，整套發揮及賽事形勢，將與上場大有出入，預期該有能力得以釋放，到底係咪大超級馬？今場必可找到答案。

　　第十場第二班1400米。「勁勢」剛仗大半途程頂在最外叠冇遮擋，以及錯在騎師處理手法，至會跑唔到入前列，其實，前仗未能入Q，騎師一樣要負責！由此證明，升穿80分後，依然具有十足能力，是賽換人及轉配件，可能係好事！

　　前仗初上二班及首次角逐此程，直路中段唔係韋達攞位唔夠堅決，必可在取得第二名。按理今次與該場條件相若，至少有P。