兩田草惡馬轉場 大摩博你唔信

猪拉多纳

　　大摩上期終於威番次，唔使次次一級賽冇着落，馬海戰術唔再係陪太子讀書。今期摩廐出馬6匹，好壞參半，其中兩駒係同大家鬥智，考考膽量，真正係信不信由你！

　　阿Jack所指係第四場「醒目精伶」及第八場「新力鷹」，一對馬剛在田草跑得好，前駒兩戰田草1200米跑獲WQ、後駒新勝田草1800米，偏偏兩駒不約而同轉場搵食。

　　一對年青馬所為何事？點解犯險渡江？唔通係讓路原因，事關下期已有賽程可供選擇，該兩組均有廐友報名。但唔使一齊讓路啩？！跑少場，唔係問題。所以，有理由相信，呢對馬係配合而來。

　　睇過「醒目精伶」及「新力鷹」外地賽績，俱有小型馬場出賽經驗，唔怕直路短及彎急，首次轉戰谷草，咪睇小。Jack