郭立基有權3W

猪拉多纳

　　郭立基目前成績理想，不知不覺升至騎師榜第五位，手上累積28場頭馬，已經平了上季一整季的紀錄，而馬季尚有多月至完，以目前走勢，坐住會有40場到手！

　　郭立基今期賽事出馬唔算多，但該7匹坐騎，有唔少係實力分子，仲要有得分，好似「光宗耀祖」、「財寶星」，估計頭馬數字坐二望三。

　　講到票數對辦，而又有賽績支持，一定數到「新標誌」及「小宇宙」，隔晚一匹6倍，另一匹3倍，如果贏得晒，乘埋有唔錯回報。

　　第二場「新標誌」，前仗在1600米勝出，正正係沿路守好位，上賽早段位置差不多，末段卻力度減弱，可能外檔有影響。是次排回內檔，郭立基未放手，值得多予一次機會。第九場「小宇宙」，今季屢次屈居人後，但也反映甚有交代決心，難得一次排內檔，出戰之前差啲贏到嘅泥地賽，有力爭出頭。