爭入季後賽鬥志盛 噴射機唔驚「阿德」

猪拉多纳

澳職聯賽已經去到最後衝刺階段，仲有幾隊球隊要為咗張季後賽入場券搏老命，紐卡素噴射機就係其中之一。佢哋今日要作客穩入季後賽嘅阿德萊德聯，單計戰意已經值得支持，更何況佢哋一向唔怕作客「阿德」，1.8倍「讓客」抵捧。

（有線64周五下午4:30直播）
阿德萊德聯2013大跌Watt

阿德萊德聯自從踏入2013年之後表現反覆，踢10場先贏得3場，搞到球隊要拖到上場贏墨爾本雄心後，先肯定攞到季後賽席位。雷法爾更擔心佢哋一班球員心態會有所放鬆，甚至會就住嚟踢免得整親自己。雖然中場法比奧費拉拿、奧沙麥馬歷復出幫手，都唔值得過分睇好。

相反紐卡素噴射機上場對珀斯光輝表現唔錯，攞唔到3分有啲可惜。對佢哋嚟講可唔可以「加時」踢季後賽就睇呢2場嘅成績，戰意絕對旺盛。噴射機今場有前鋒布歷捷斯、中場卡拉維拿、薩哥維治、守將泰萊列根趕及復出，加上近6次作客「阿德」拎到1勝4和1負唔錯嘅戰績，按比例計捧「讓客」贏面超過8成，咁抵玩當然要追多次。

猪拉多纳