華倉備戰有路捉

猪拉多纳

　　如果大家有睇馬經，不難發現晨操版及晨操表，前者除了有名家跟你分析部分馬匹狀態，更有晨操時練馬師們的動態，例如邊個同邊個傾偈？邊個舉鏡觀操？甚至邊個送馬出草地等等；至於後者，就把各匹出賽馬的近期操練程序列出來。

　　有時，你會於晨操表中，見到某些馬匹不斷安排快跳，當中可能有一兩次出現22秒幾的快段速；又或者賽前安排試閘，甚至跑入三甲。某些喜歡以陰謀論度馬的人，通常都會說：「邊有咁數？試埋閘畀你睇，話畀你聽泥地得？」然而，有時真係會咁數，尤其是華倉。

　　以前晚沙田泥地夜馬為例，頭場冠軍「博利好」賽前試泥閘贏，此駒隸屬梁定華馬房；第四場亞軍「大蘋果」更激，賽前試兩課泥閘，一次冠軍，一次跑第二，此駒隸屬徐；但最靈的莫過於呂健威馬房，第五場「風雲」之前未跑過泥地，賽前試泥閘跑第三，結果贏埋。下次再見到華倉此類準備，真係要信。洋超