FC北京落重本劍指亞冠

猪拉多纳

今晚歐聯開波前，可以先留意亞冠盃賽事，「死亡G組」鬥得極之激烈，賓約哥、浦項制鐵及FC北京同分，每場都屬爭出線生死戰，必定大打真軍。中超球隊FC北京（北京國安）主場對烏茲別克代表賓約哥，屬於重中之重。FC北京近年投入大量資金組軍，級數大為提升，球會雄心壯志，對亞冠盃榮譽趨之若鶩，實力及鬥心均強，配合地利可以睇高一線。

（中央5台及廣東體育周三晚7時30分直播）

FC北京身為首都球會，一向以重點球會自居，近年中超金錢足球主導情況下，FC北京亦花費巨額金錢增兵，足以喺亞冠盃創佳績，而且內地近年想用體育顯示軟實力，幕後心態夠晒，剩係份鬥心都值得支持。事實上，FC北京上周中作客賓約哥，亦能同對手平分秋色，回師主場勝算高。
主場夠贏賓約哥

賓約哥所屬嘅烏茲別克聯賽競爭性低，可以喺國內賽事輕鬆稱王稱霸，但去到亞冠盃，壓力指數大增，尤其係千里迢迢去到北京比賽，若然未能盡快站穩陣腳，好容易被對手殺個措手不及。

歐聯方面，巴塞隆拿攻力幾時都咁強，遇上急需入波嘅巴黎聖日耳門，明顯屬於大盤格局。另一場祖雲達斯亦要盡快收復首回合失地，面對主攻嘅拜仁慕尼黑，入球同樣唔會少，大盤可取。
肥叔心水

FC北京上盤

巴塞隆拿大

祖雲達斯大