武里南聯主勝有計

猪拉多纳

機位唔夠江蘇冇得夫添

武里南聯上星期作客以0:2不敵FC江蘇，表面睇落冇得打，但今晚喺E組再遇又唔同講法，事關江蘇大軍經過超過15個鐘頭長征，先至抵達下榻酒店，而且因為對方機位安排唔「給力」，被迫帶少幾件兵去泰國，身心俱疲隨時出事，主隊有權贏番次。

（now671台周三晚7:00直播）
FC江蘇長征15個鐘到泰國

據講江蘇大軍前日朝早9點半出發去上海浦東機場，坐到5點至去到曼谷，跟住喺機場呆等3個鐘頭，再坐小型飛機去武里南，落地後再坐大巴，半夜抵達酒店後，全程已超過15個鐘頭，完全係身心折磨。更慘嘅係，武里南聯安排嘅小型飛機太細，江蘇只能夠帶19個球員出征，嚴重影響臨場調動。

其實江蘇開季前有前鋒王雲龍離隊，首席射手達拿拉捷又有傷冇份喺亞冠盃註冊，近5場得1勝2和2負，就係佢哋實力受損嘅證明。雖然武里南有中場祖積恩同後衞蘇克哈停賽，但總算有効力過希杭嘅中場甘美奧干沙利斯加盟，加上有泰國嘅悶熱天氣做天然後盾，贏番場省招牌真係唔出奇o架！

亞冠盃E組