英超3雄分途出擊爭闖4強

猪拉多纳

熱刺雙翼齊跛 巴素利佔盡優細

歐霸盃8強次回合今夜爆發，決出最後4強。其中英超3雄車路士、熱刺及紐卡素分途出戰俄超魯賓卡山、瑞士超巴素利及葡超賓菲加，力爭準決賽席位，然而踢完首回合後，除車路士手握領先優勢外，熱刺同紐卡素都需要在不利形勢尋求逆轉，因此今屆歐霸盃4強出現3支英格蘭球會同時列陣的機會不高。而站在菠菜角度上，上述3場波因受首回合賽果牽引而令形勢變得非常微妙，間接也令投X趣味性大增。

歐霸盃8強次回合熱刺作客巴素利，熱刺首回合被對手攻入兩個作客入球，賽和2比2，今趟去到瑞士，惟有焗攻求勝，但呢支英超前4分子目前「折翼」飛唔起，一對快翼加里夫巴利同艾朗連儂齊齊因傷倦勤。巴素利近4次歐霸盃主場都力保不失，今仗繼續穩守突擊，預料入球數字唔會多，推介2.05倍細盤。

（有線64及203台周五凌晨3時05分直播）
巴利連儂齊缺陣

熱刺首回合唔止贏唔到，最大鑊係加里夫巴利及艾朗連儂一齊傷出，尤其係缺少進攻「發電機」加里夫巴利影響最大。最佳例子係上圈次回合，呢位威爾斯國腳停賽，熱刺法定時間內就慘吞國米3蛋。熱刺近6戰唯一勝仗正係加里夫巴利射破史雲斯大門，另外5戰佢冇波入，熱刺就贏唔到。加上迪科爾亦有傷，熱刺今仗唔好話想贏波晉級，甚至入波都有難度。

巴素利能打入8強，好大程度上靠主場堅固防線，佢哋近4場歐霸盃主場全勝兼冇失波，足以抵禦「折翼」嘅熱刺。既然巴素利悶和0比0或1比1都可以晉級，因此根本唔需要急於求勝，慢慢等待機會偷襲，甚至有望小勝，除咗入球細，巴素利平手盤亦可留意。
出線條件

巴素利晉級（1.52倍）

‧勝

‧和0比0或1比1

‧和2比2，需要加時

熱刺晉級（2.35倍）

‧勝

‧和3比3，或以更大比數和波

‧和2比2，需要加時