利伯泰迪「+1」頂到美

猪拉多纳

周五早上續演自由盃分組賽，B組榜首巴拉圭勁旅利伯泰迪作客鬥巴西彭美拉斯，利軍今屆分組賽四戰不敗，表現四平八穩，加上過去四屆均能以小組首名出線16強，阿King相信利軍今次最少可保不敗，甚至一舉擊敗主隊取得出線權，「讓球客勝」抵玩。

（周五早上6時15分開賽）

利伯泰迪名氣唔大，不過近年喺自由盃分組賽卻有上佳演出，對上四屆賽事均取得首名資格出線16強，當中對上三屆18場分組賽只輸1場，不敗率逾9成，今屆佢哋踢咗4輪2勝2和得8分，領先第三位嘅堤格雷2分，換句話講今仗只要贏波便可穩奪出線權。彭美拉斯以上季巴西盃冠軍身份參加自由盃，聯賽排18要降落巴乙，拍埋經驗豐富嘅利軍明顯差一截，利軍受讓下「讓球客勝」值博。
奧林比亞歎慢板捧「半和」

另外兩場G組比賽，奧林比亞會主場鬥紐維爾舊生，今場和波對兩軍嚟講係最理想戰果，奧林比亞會可以首名出線，紐維爾舊生則肯定壓過排第三嘅智利大學打入16強，預計大家初段都會歎慢板，捧「半場和」。至於同時間開賽嘅拿拉體育會主場鬥智利大學，剛才所講如果奧、紐之戰打和，智利大學無論贏輸都肯定出局，戰意有疑點，作客讓波必捧「讓球主勝」。

（周五早上8時30分開賽）