永勝多持續反彈

猪拉多纳

　　周三谷草賽事，三T頭兩關的大熱「好好運」及「勝捷勝」皆三甲不入，尾關大熱「電子福星」雖跑第三，但該場卻由49倍的冷馬「信心出擊」取勝，最終三T正獎冇人中，有2005萬多寶撥入下次夜賽。至於明日的谷草日賽，三T亦有1790萬多寶，如一注中正獎預計可得2800萬，值得投X。

　　第四場五班1200米，「好精伶」季內10戰獲1冠2亞3季，上名率達六成，屬少數忠心低班馬。上仗出爭田草1200米，末段造出全場最快的22.91秒，竄勁非一般五班馬可比，今番排內檔兼負磅仍輕，已有齊爭勝條件。

　　第五場四班1800米，「永勝多」於之前兩季冇頭馬進帳，卻換來大幅度的減分，今季終於反彈，先於1月中在谷草1800米重開勝門，上仗更續在同程多添1W。觀乎此駒上仗末段贏馬姿態仍游刃有餘，現時評57分肯定仍未盡，有望持續反彈。

　　第六場三班1650米，「旅遊名牌」季內6戰3勝，前仗挫「勝利福星」、「駕翠」贏馬，後兩駒之後合共再添1冠2亞2季；上仗挫「首飾多寶」取勝，後駒新近亦已贏馬。今番小休三個月後再上陣，雖然未有試大閘，且跑一哩似乎略嫌短，但質素超級之輩，應可克服種種困難。

　　今戰「旅遊名牌」用吳嘉晉減7磅，同場應沒有幾駒可抵擋，交出水準當可取得季內第四W。向東