紐倫堡趁仁忙搏打吡

猪拉多纳

德甲上演南部打吡，拜仁慕尼黑主場對紐倫堡，雙方實力當然強弱懸殊，不過Oliver認為兩軍對今場比賽嘅心態會令戰況同戰果比想像中緊湊，「讓球主客和」拜仁讓到兩球太過分，寧博2.2倍「讓球客勝」。

（有線61及64台周六晚9時30分直播）

拜仁所屬嘅巴伐利亞，同紐倫堡所屬嘅法蘭康尼，都係中世紀早期嘅德意志南部5大公國，後來法蘭康尼被巴伐利亞兼併，但紐倫堡人仍然對自己祖先嘅遺產感到自豪，仍然堅持自己係法蘭康尼人，所以兩隊碰頭向來肉緊，紐倫堡近期狀態一流，聯賽已經連續9輪不敗，今場有決心趁勇挑戰巨人。
拜仁盡用倉底兵

拜仁啱啱作客意大利踢完歐聯8強戰，今仗之後短短3日又要喺德國盃準決賽鬥禾夫斯堡，拜仁上輪已經提早聯賽封王，教練軒歷基斯講明喺聯賽確保奪冠後會盡用副選，今仗除咗會畀拿菲爾、迪亞高干坦圖、泰摩斯卓克、梳頓沙基利等擔正外，連後備門將史達基同未喺聯賽登過場嘅小將安利簡恩都會落場，疲兵、弱陣又有後顧之憂，相信今晚大勝機會唔高。
Oliver推介：

紐倫堡讓球勝 ★★★★

利華古遜下盤 ★★★★

緬恩斯大 ★★★