波圖搶冠大晒冷

猪拉多纳

恰慣布拉加 葡聯盃添食

今季葡聯盃決賽由布拉加與波圖爭奪，於中立場科英布拉球場一較高下。今場係2011年歐霸盃決賽翻版，當日波圖擊敗布拉加捧盃。兩年後雙方再喺盃賽決賽碰頭，今次仍然以波圖捧盃機會秤先。除咗波圖實力較高之外，球隊對於這個盃仔極之渴求，料波圖有力大勝，大盤可作過關重心。

（周日凌晨2時45分開賽）

自葡聯盃設立以來，幾乎每年都由賓菲加奪得，相反波圖就從未贏過，故此球隊上下都好想攞番次盃，唔好畀死敵賓菲加威晒。其實今季波圖都算失威，除咗歐洲賽食白果之外，葡萄牙盃又喺16強出局。爭聯賽就更被動，依家畀賓菲加拉開4分，想話反先唔係咁易，所以葡聯盃可能成為波圖今季唯一錦標希望，今場決賽一定使出十成功力爭勝，以大比數砌低布拉加都唔奇。
上周聯賽勝三比一

布拉加已經壓過士砵亭成為葡超第三勢力，不過比較起波圖仍有一段距離。講真，上星期布拉加先至喺聯賽輸過畀波圖一比三，打死都唔信今次去到中立場布拉加可以大翻身。