搶分玩歐洲賽 愛華頓送QPR一程

猪拉多纳

今晚英超好戲，愛華頓喺地頭出擊迎戰昆士柏流浪。兩班波上周都係和波收場，不過昆士柏流浪臨天光瀨尿被韋根逼和1:1，護級勢危，士氣大受打擊，今晚「拖肥糖」肯定會追打落水狗，送QPR一程，一於支持2.12倍「讓球主勝」啦！

（有線203及303周六晚10:00直播）
QPR高層護級打定輸數

愛華頓今季主場表現強悍，就連億萬大軍曼城嚟到亦要俯首稱臣，就知呢班波嘅地頭威力有幾勁啦！事實上，「拖肥糖」前線無論用安尼捷比定還是謝拉域，去夥拍「爆炸頭」費蘭尼，鋒力都同樣值得信賴，尤其係左路仲有巴尼斯搭派拿，一攻一守輪流後上射波，得分點咁多，都幾難Mark得住佢哋。最重要一點，係愛華頓喺足總盃出局後，已經將全副心機擺晒喺聯賽，務求搶分出席來屆歐洲賽，今鋪對住近乎護級失敗嘅QPR，又點會放軟手腳吖！

係！昆士柏流浪自從由夏利列納接手後，下半季嘅表現的確大有改善，可惜開季嘅16輪不勝始終拖累咗班波，佢哋上周對住韋根又和波失分，護級形勢可以話係水深火熱。而且班高層仲講到明就算降班，都唔會炒夏利叔，連會方大佬都打定輸數，班手足士氣梗係差啦，撞啱前鋒森莫亞又話要停賽，作客「拖肥糖」想全身而退？好難咯！
張峰來料：愛華頓（讓球主勝）