馬偉昌搵威哥 追問叻叻財星

猪拉多纳

快活谷日賽前一天，晨課大跑道練兵情況比較淡靜，約六時三刻，見馬偉昌趁耙地時間走入烽火台，首個目標就是搵呂健威傾密偈，騎者煞有介事捉住對方問長問短，威哥細心聆聽完再慢慢講解，兩人站在茶水間傾足數分鐘才離去。今日練騎唯一合作馬「叻叻財星」列陣第四場，戰駒埋門兩課快跳工夫都由南非昌主理，備戰態度積極進取，看來二人話題都是圍繞此駒如何搏殺。