紙廠大老闆強撐漢福斯

猪拉多纳

今日有場漢福斯對侯格辛特，未講波前想講少少漢福斯呢個城市嘅資料畀大家知，佢同大家手揸住嘅報紙息息相關，因為歐洲其中一間最大嘅造紙廠就喺漢福斯，佢每年供應41萬噸報紙用嘅新聞紙畀歐洲各大城市，而造紙廠老細正正係漢福斯嘅球迷。

講完古仔講番波，呢場開平手盤，個盤對漢福斯好鬼着數。漢福斯上季靠主場成績吊命先至護到級，主場15戰12場不敗，不敗率高達八成，先唔講其他因素，淨係呢個數據已經話你知值得支持啦。（周一凌晨零時開賽）