杜利馬大踢爭氣波

猪拉多纳

南美自由盃Ｆ組最後一輪賽事，其中巴拉圭球隊波特諾主場對哥倫比亞的杜利馬。經過五輪賽事之後波特諾仍未有分，實力明顯不足，今次主場出擊都信唔過。相反杜利馬仍有些微出線機會，今場肯定會全力向主隊施壓，以大比數擊敗對手唔奇，大盤可捧。

（周三早上８時15分開賽）
聖達菲加斯拿素和味濃

杜利馬之前成績唔多好，好彩喺上輪聯賽重新振作，以四球淨勝國民體育會。相信杜利馬取得重要勝利後，轉到自由盃會有更佳發揮。

雖說杜利馬贏波都未必可晉級，仍要視乎同組聖達菲對皇家加斯拿素嘅賽果，但相信杜利馬都唔理得人哋咁多，始終做好自己本分係今場首要目標。

至於哥倫比亞球隊聖達菲主場對秘魯球隊皇家加斯拿素，估計開出和波機會甚高。基於聖達菲與皇家加斯拿素只要打和各取一分，主隊就肯定可以首名晉級，後者亦肯定以次名躋身十六強。既然係雙贏局面，話唔定今場會打默契波。