馬得利「粉絲」長情

猪拉多纳

　　今期又係谷草賽事，已經跑第三期，大部分好馬早就喺之前兩期出晒，留到今晚先出嗰啲，信心自然唔會勁。除咗尾場「星光騎士」係一面倒大熱，其他場次都冇邊匹馬擔到大旗。

　　呢次周某決定揀第二場「馬得利」，呢匹馬隔晚得4.4倍W，1.7倍P，同「牛精仔」輪流做大熱門，後駒啱啱贏完馬，熱係應該。但「馬得利」近四戰都唔入三甲，隔晚飛數一樣咁勁，就有啲奇怪。其實，呢匹馬經常有好多票，不論贏輸，下次都會係熱門之一，但今次明顯加多兩錢肉緊，可能想連本帶利一鋪歸還，吼實好啲。

　　騎師王方面，郭立基有「星光騎士」撐住，唔信佢信邊個？周仲