甘美奧舟車勞頓讓波有難「度」

猪拉多纳

自由盃聽朝繼續有4場分組賽尾輪賽事上演，其中巴甲勁旅甘美奧喺H組出訪智利侯治柏度，牌面睇雖然甘美奧實力較佳，但其實佢哋今仗和波都保到出線位，隨時會打穩陣波求和算數，尤其係中場指揮官艾蘭奴缺陣，要搵老將薛羅拔圖校炮，仲點贏波？力奇捧1.78倍侯治柏度「讓主」。

（開賽時間：周五早上9:00）
鬥心唔及侯治柏度

目前H組4隊都有出線機會，甘美奧同侯治柏度雖然同得7分，但前者以較佳得失球排次席，今晚變相和波就出線，反觀侯治柏度係非勝不可，論戰意當然以主隊秤先。再者，甘美奧今次出訪侯治柏度，行程都相當辛苦，周二佢哋先去到智利首都聖地亞哥操一日，到尋日先再坐60分鐘車程去到比賽城市塔爾卡瓦諾，每日搬一搬，球員其實好難捱。

人腳方面，甘美奧中場艾蘭奴養傷，要由38歲薛羅拔圖喺中場分波。前線佢哋用近況麻麻嘅智利國腳伊度亞度華加斯擔正，又係信唔過，加埋防線重心克里斯停賽，陣容不整作客智利，想贏波真係有難度o架。
南美自由盃賽制

32支球隊分8組進行分組賽，每組首2名出線16強。小組若出現同分情況，將按以下準則排名：1/總球差 2/總入球 3/作客入球 4/由賽會抽籤。

自由盃H組