慕遜加柏唔赦史浩克

猪拉多纳

爭打歐洲賽掘金

今晚德甲慕遜加柏主場鬥史浩克04，1.85倍+1「讓主」捧得過！慕遜加柏啱啱公布財政報告，由2011年蝕350萬歐元，成功轉虧為盈，喺2012年淨袋1,500萬歐元，CEO史卓柏斯話咁大進步係全賴歐洲賽，同埋出售丹迪同馬高列奧斯畀歐聯決賽雙雄，大讚球會方針正確。

（有線64及203、廣東體育周六凌晨2:30直播）

如今慕遜加柏排第7，仲有機會搶得來屆歐洲賽資格，球會當然想繼續掘金，再者班兵冇傷冇病冇停賽，繼續有經驗老到嘅艾蘭高派牌之外，盧克迪莊、靴爾文同施格斯呢班後生仔，睇見兩位師兄咁好前途，亦肯定砌盡博加盟大球會，挾住歇冬後主場不敗強勢，受讓抵撐。
史浩克作客腳軟

另方面，史浩克上輪主場鬥漢堡，箭頭亨特拉爾大勇連中三元，中場馬高賀查亦刑滿復出，之不過阿費利同法芬就繼續養傷，況且佢哋今季作客軟趴趴，對住前10球隊冇贏過，淨計頭8位更加輸晒，今晚想贏波鞏固前4睇怕好難喎。