上月同晚贏海之濤生豪 賴維銘複製孖寶

猪拉多纳

上月22日谷中夜賽，賴維銘勝出「海之濤」及「生豪」，季內首次起孖之餘，亦以30分成為騎師王，成為當晚主角。事隔一個月，周三夜賽兩駒又再同晚列陣，賴維銘當然希望可以重溫好夢，複製這口孖寶。
       
海之濤馬快速高，在四班負輕磅威脅十足。

剛戰首度降至五班出爭谷草1000米，「海之濤」在賴維銘胯下一放到底，姿態猶有餘勁，勝後加八分回升四班，今仗增程角逐1200米，賴維銘認為仍有上升空間，他說︰「『海之濤』谷草性能明顯優於田草，由於沙田直路較長，之前屢戰順放下仍未能貫注到底，之後轉跑快活谷表現即有改善，剛戰初落五班，實力上佔有優勢，最終輕取對手。今次重返四班，對手當然增強，不過季尾賽事水準稍遜，憑當起之銳，形勢不落下風。『海之濤』增程跑1200米亦合發揮，負磅輕了12磅，爭勝條件理想，再捷機會樂觀。」
       
「生豪」（近鏡）在一哩搵到新出路，必定乘勇再拚。

至於另一匹新勝馬「生豪」，賴仔表示馬兒季內表現穩定，再戰四班1650米可添食，他說︰「『生豪』季初在谷草1200米兩度屈居亞軍，在田泥同程亦只見接近，故此鄭俊偉部署扳上一哩尋求突破，接戰下來，上仗終在谷草一哩取得勝仗。既然搵到新出路，自然乘勝追擊，論馬狀態仍好，再遊勝路，只要排檔及形勢配合，不難再下一城。」