愛斯賓奴+1咪走寶

猪拉多纳

少帥安歷基未舞掂切爾達

今晚西甲壓軸戰之一，切爾達主場硬撼愛斯賓奴，前者搵嚟前巴塞隆拿名將安歷基掌帥，但此君經驗不足兼剛愎自用，級數同愛斯賓奴「老狐狸」艾古爾差幾條街，加上切爾達仍未找到前鋒伊亞高艾斯巴斯嘅接班人，球隊鋒線全面啞火，學人讓波更牙煙，一於捧1.67倍「讓球客勝」。（周二凌晨4時開賽）

踢而優則教，曾効力皇家馬德里同巴塞隆拿的名將安歷基，從巴塞B隊展開執教之路。不過，佢最為人熟悉就係去意甲教羅馬個陣，未睇清形勢就諗住起革命，一上場即封殺球隊老大哥托迪，排陣又亂點鴛鴦，最終梗係落鑊喇！難怪今夏巴塞臨急選帥時，寧揀阿根廷人馬天奴都唔諗佢。
切軍賣走射手即死火

今夏安歷基為切爾達帶來方達斯、拉芬夏艾簡達拿、洛尼圖等巴塞B隊舊部，但球隊表現愈來愈曳，特別係將射手伊亞高艾斯巴斯賣畀利物浦後，球隊火力大減，近期熱身賽連波都唔識入。

相反，愛斯賓奴老帥艾古爾經驗豐富，佢上季中途臨危受命將包尾的「愛奴」從懸崖邊救返上嚟，早早護級成功盡顯功架，今場面對主場亂攻嘅切爾達，更有利艾古爾的快速反擊，睇嚟安歷基今仗都係要交學費，「讓球客勝」捧得過。