歐聯嚴打假球隊要清白

猪拉多纳

英超上周正式重開，睇番整體投X額，佢哋仍然係全個歐洲所有聯賽之中最高，呢啲係慣性收視，冇得傾！至於德甲波就愈來愈多人玩，投X額顯著上升，已經開始發力追緊英超，呢個聯賽制度好，水平又高，依家已經係歐洲其中一個大受歡迎嘅賽事，嚟緊隨時有力威脅英超龍頭地位。
些路迪上盤搵真銀

至於歐聯就係全球最受歡迎嘅盃賽，列強要為名利而戰，現階段去到終極外圍賽附加賽，勝方可以殺入分組賽，到時講緊嘅獎金億億聲，真係唔講得笑，唔使擔心各隊心態，所以班行家都好放心開盤！

為咗維持呢個大賽嘅形象，歐洲足協嚴打假波部隊，佢哋關注各支參賽隊伍嘅底細，提防有人搞搞震。烏克蘭球隊米達列斯被爆打假，因而率先被開刀，總之歐聯參賽球隊一定要清清白白，絕對唔容許有不法分子潛入嚟搵食。

今次重心賽事都係揀場歐聯外圍賽附加賽，蘇超名牌球隊些路迪作客哈薩克代表卡拉簡迪，自從蘇格蘭老牌球會格拉斯哥流浪降班後，蘇超形成些路迪一隊獨大局面，其實咁樣並唔健康，直接影響當地聯賽發展。

些路迪喺國內冇晒對手，反而搵少好多錢，必須喺歐聯爭取佳績，先可以增加收入平穩發展，佢哋視歐聯係今季第一重點賽事，今場對手唔算好強，小讓平半合理，上盤捧得過！

（有線61及64台周二晚11時直播）
肥叔心水

些路迪上盤

辛尼特上盤

燕豪芬平手盤

韋根上盤