李易達專爆冷W

猪拉多纳

　　今個馬季將於周日開鑼，馬迷唞了個多月應餓馬已久，相信人人均想盡早贏馬發財。本報資料組將一連三日推出開鑼日攻略，希望幫大家趨吉避凶。本報資料組

　　每個馬房的搏殺時間都不同，有些喜歡做急先鋒，意圖在開鑼日贏馬，打響頭炮；有些則比較慢熱，開鑼日隨時一W都冇。若果馬迷捉到哪個倉口喜在開鑼日郁手，自然事半功倍。

　　不計剛晉升為練馬師的容天鵬及蘇偉賢，其餘二十二個馬房，近四季開鑼日就只得李易達次次都有馬贏（見左表），而且09/10年馬季他更憑「開心歡笑」及「酒勝」起孖而回，儘管上季只得十一W，但練者於開鑼日亦有馬贏，由此可見，李易達擺明喜歡在開鑼日攞頭威，大家今季投X開鑼日賽事時，若見李廐馬在陣，必定要加倍留意。

　　上季開鑼贏15倍齊勝

　　早前本報資料組介紹李易達今季兵力時，曾指出練者上季頭馬多屬冷門，原來他於開鑼日亦經常搏冷馬，翻看此廐對上四季開鑼日頭馬，合共五匹的獨贏賠率皆逾7倍之餘，當中三駒更有13倍及以上。如上季開鑼日，李廐馬「齊勝」以15倍冷門身份，在五班田草1200米輕鬆壓倒「上浦駿將」爆冷獲冠。既然李廐近四季開鑼日都有冷爆，真係要吼實。