捧韋達未必穩陣

猪拉多纳

　　部分騎師於開鑼日冇馬贏，可能是技不如人或坐騎質素參差，但亦有些騎師是因為本身較為慢熱，韋達正是後者。

　　這位南非騎師對上兩季都交出一百場頭馬以上，實力當然毋庸置疑，然而，他對上三季竟然只得11/12年馬季的開鑼日可以交出一場頭馬，10/11年馬季及12/13年馬季都要食白果，追捧他的馬迷看來凶多吉少了。

　　韋達向來備受馬迷追捧，故此其坐騎的賠率大多熱得交關，但根據資料顯示，如果大家近三季開鑼日都捧韋達大熱W，相信要輸錢了。事關此子對上三季共有八駒被捧成大熱門，結果只得三亞一季（見右表），無一獲得冠軍。三個賽季的開鑼日中，又以上季情況最為嚇人，韋達全日共有八匹坐騎，當中有六駒成為大熱門，最終全部贏唔出。即使是出爭二班田草1000米，獨贏賠率熱至1.2倍的「崇山寶」亦只跑第二。由此可見，今季開鑼日若見到韋達坐騎成為大熱門，不宜盲目追捧。