君子一言傷患底搏頭圍

猪拉多纳

　　昨文提到，一班賽打下也有降班馬出戰，但比較下，我覺得四降五班馬的優勢，較其他班次的降班馬實力差距大，而這趨勢我相信並非單單適用於季初；而季初揀馬我認為有兩類馬要留意：一是操得足，狀態來得較快易操起一類；二便是傷患及年長馬，此類馬得到充分休養，最利季初出擊。

　　開鑼日二班1400米，長遠而言，「卓爾名駒」、「喜喜精神」，甚至「星光騎士」也有較大展望，尤其「卓爾名駒」，在落腳一早放慢下，根本上季跑1200米，我一直覺得嫌短，雖然五月及七月份也取得頭馬，但或許舖排得更靚的話，頭馬早可交出。不過講到底，今次首度升二班，縱使在筆者心目中，此馬身處此班不吃虧，但要博今場始終唔夠膽。

　　正如前文所講，傷患及年長馬在得到充分休養下，季初乃最有贏馬把握之時，否則等到如剛說過的三匹質素較新之馬撻着再碰頭，便更難一拼。「君子一言」正正符合條件，傷患馬，唔襟搏，利於唞唞埋埋搏一鋪。

　　此駒操練準備上也不敢怠慢，雖然迄今快試只有兩課，但上周嘉年華有參加試閘，一來騎師好用心去試，二來馬兒確交到反應，而整套操練期完整，踱步工夫日日做，無缺課健康可信賴，博W揸Q膽不妨秤先。(廖浩賢專欄 馬會賽事首席評述員)