蓬萊仙子「拍」住上

不死鸟

跑過三回合新馬賽，先由「加州滿意」打響頭炮，繼而「馬來之光」獨攬兩W，兩駒皆為自購新馬而非拍賣馬身份，以出賽總數計算比率，本港拍賣馬確是失威多少。明日又跑新馬，十駒之中只有頭尾一對「加州滿意」和「鐘表世家」不是拍賣馬，且看於馬多勢眾下拍賣馬可否扭轉劣勢？
初出馬方面，姚?「傳奇快車」父系乃當今澳洲最受歡迎的ENCOSTA DE LAGO，與馬房鎮倉寶「蓮華生輝」同出一脈，加上母親為92年澳洲兩歲王，贏過金拖鞋等三項一級賽，名氣簡直響噹噹，四匹同母兄姐出賽全勝，計級數則遠不及生娘，初步覺得「傳奇快車」只是匹有用之馬。
「好運精選」母系源自GOLD BROSE，產下三匹出賽，兩駒已獲勝，未必太叻但結合父系「星運時機」會很早熟。「鐘表世家」與「星光活力」、「金寶駿」同父，睇血統亦唔似太叻；「紅運添采」英國馬跑短途更加輸蝕。總括而論，揀馬方面圍繞幾匹有過表現的，「蓬萊仙子」和「百利高」始終只輸畀「馬來之光」，貼士應擺在較前。