忠心DNA提升士氣 史特加新帥施「法」搶W

猪拉多纳

正所謂「新官上任三把火」，史特加上月底搵舒尼達接替拉巴迪亞領軍後，即刻喺德甲打出兩場漂亮勝仗，搵到呢位充滿「史特加DNA」嘅教頭領軍，成班波嘅士氣即時提升，今晚佢哋迎戰有派文舒維加重傷長抖嘅法蘭克福，一於直取1.95倍主勝啦！（有線61、64、201及203周日晚11:30直播）
法蘭克福中場主力有排抖

史特加喺8月經歷4連敗後，班高層即刻「做嘢」怒炒拉巴迪亞，提拔U17教練舒尼達接掌教鞭，勢估唔到呢位前球會名宿一上任，班波就脫胎換骨，繼早前喺歐霸盃賽和列積卡後，返到聯賽就以6:2炒起賀芬咸，上星期作客又贏埋哈化柏林，一眾球員都對呢位新帥讚不絕口。查實舒尼達球員加教練生涯奉獻咗超過20年畀史特加，淨係食住呢個忠心氣勢，已經夠殺啦！

法蘭克福喺德甲雖然連贏3場，不過歐霸盃分組賽正式展開後，好大機會會影響佢哋喺聯賽嘅演出，瑞士中場主力派文舒維加賽前仲證實膝傷嚴重要抖3個月，大大削弱球隊戰鬥力，老將前鋒美亞嘅合約季尾又話完結，球會仲放晒風畀佢自由身離隊，呢啲消息都幾影響士氣，今場作客有危機。
頂占筍盤：史特加（主勝）