銀行隊馬體會勢炒奧沙

猪拉多纳

西甲唔止巴塞同皇馬抵追，馬德里體育會都係季初銀行球隊，場場都好似派錢咁款，點解佢哋啲球員咁醒神？因為馬德里最近掀起加薪續約潮呀！今晚馬體會喺主場對奧沙辛拿，「-2」都要追2.54倍「讓球主勝」！

（now632台周三凌晨4:00直播）

馬體會高價賣走法卡奧，超平價簽到韋拿，令佢哋大把錢使，最近已經同佐治高基、奧利華托利斯、查維亞文基路同阿達杜倫完成續約，而且等緊被曼城睇中嘅中堅高甸動筆，證明高層冇諗住法卡奧離隊就散班，反而肯使錢留住其他主力，梗係好事啦！

今季馬體會踢咗8場波，除咗對巴塞嘅西超盃兩回合賽事先後打和，其餘6場贏晒，新加盟嘅韋拿都有3球進帳，相反奧沙日前喺主場以2:1險勝艾爾切，先叫做結束開季4連敗，而且佢哋陣中傷兵唔少，遇正已經撻着嘅馬體會真係好難有運行。