|
|
要數當今球壇最有個性嘅教練，肯定非多蒙特主帥高普莫屬！佢一手一腳帶領「蜜蜂兵團」躋身歐洲頂尖之列，即使有富豪球會挖角，高普仍不為所動，留番喺多蒙特完成佢嘅發展大計，勁有Heart！今季多蒙特開咧開得唔錯，雖然左閘舒姆沙有傷今仗或者落唔到場，但今晚對手只係弗賴堡，仍然有力大開殺戒，1.53倍「讓主」抵玩！
（有線64及203周六晚9:30直播）
弗賴堡3主力打柴
多蒙特兩星期前喺歐聯第一場分組賽輸咗畀拿玻里，呢場係佢哋今季暫時唯一嘅敗仗，賽後高普火氣十足，對住球證發爛渣嘅惡形惡相，真係嚇親唔少球迷。班球員睇到老細咁勞氣咁緊張，試問仲點敢偷懶？前晚德國盃，多蒙特就喺加時淘汰1860慕尼黑，個個球星都鬥志高昂，如果唔係冇運4次中門楣門柱，根本唔使踢加時都已經晉到級。雖然利雲度夫斯基早早預告下季轉投拜仁，但就表明依家會全力幫多蒙特捧盃，只要佢哋Keep到呢團火，今晚要再大勝多一場有幾難？
弗賴堡開季6場仲未開齋，早被視為降班熱門，最大鑊係佢哋家陣仲要面對嚴重嘅球員傷患問題，中場達列達、守將希頓史達同克羅地亞後防核心穆迪薩都打晒柴，正所謂「巧婦難為無米炊」，弗賴堡今晚作客多蒙特都係輸少當贏啦！
頂占筍盤：多蒙特（讓球主勝）
|
|
金睛卡
发表于 2013-9-28 10:37
变色卡
显身卡