美斯豪宅設計似足大球場

猪拉多纳

美斯不愧為球壇好男人，大花心思準備興建「足球之家」豪宅畀女友同囝囝居住。西班牙《世界體育報》爆料話呢位阿根廷球王決定喺巴塞隆拿定居，聘請曾為名模娜奧美金寶設計豪宅嘅西班牙著名建築師加里度設計新居。
繼續養傷巴塞吼細盤

模擬設計圖曝光，從高空鳥瞰角度睇，似足一個大球場。主樓係一棟圓形兩層高大宅，似球場中圈，正門有個大花園，另一邊係泳池。

加里度指設計啱晒美斯視足球為生命嘅個性，對方亦好滿意呢間dream house，一定住得舒服。隊友法比加斯亦好識歎，一邊浸泡泡浴，一邊玩手機遊戲Candy Crush，為平日激烈比賽減壓。巴塞隆拿周中歐聯缺少美斯，即時死火，靠打多一人，由法比仔一箭定江山，小勝些路迪1比0。美斯繼續養傷，巴塞攻力不宜高估，今輪西甲主場鬥華拉度列，大細中位數3.5球，寧願揀細盤。