皇馬試準矛頭今仗

不死鸟

周日上演季內最後一次快活谷日馬，十場賽事採用A跑道進行，傳統智慧A欄一向利追，但季內不時都出現相反情況，結合天氣不穩，有機會跑偏淋場地，馬迷宜作好兩手準備，另外，留意騎師王計分方法又作出修正，凡在預售日開售後易配的馬匹，倘跑入三甲將會不獲分數。

變化場地有機可乘

第十場三班1800米。以近績結合埋同程往績，一眾焦點自然落在「經典再現」身上，按前次跟?侶「金鑾殿」串Q水準，白德民由於停賽索性用番馬偉昌，想唔熱都難，不過個人更鍾情上次出戰谷草大長途初有走勢的「皇馬」。
「皇馬」今季落場跑過七次，大部份時候都無段好睇，原因承襲祖母「沙彪」血統，一向慢熱要多跑才進入狀態，上次首戰谷草2200米，用上楊明綸隨便跟跑都第四是已經試準，未幾復課轉趨積極，季內大部份時間都由普來西跟進，這次復由佢接棒，隔個月縮程跑1800�駭担�外地淋路入過圍，半冷博得過；配腳方面留等明日再談。