再來風係時候反彈

不死鸟

兩組四班1200米各有一匹新馬，先介紹K布烙號174蘇?的「連利威勁」，與同馬房K175「雅雪」同機到港，血緣亦出自同一父系VIKING RULER，看過「雅雪」兩戰田草1200米，初出第四再出得季軍，其實只逐少進步，綜合同父「福龍」和「常盈」都不但慢熱，且性能長優於短，加上「連利威勁」母線亦有氣量遺傳，看來未熱身下跑短途，應佔不到太大甜頭。
另一組「君威」出自FUSAICHI PEGASUS，練馬師文家良引入過同系「福將臨門」和「聚有盈」，上駟輪唔到算做有取勝能力，睇番下線，生母產十胎，九匹出賽七駒已贏馬，成功率高但整體質素一般，其中澳門馬「浩勝福將」在低班獲五捷，初步估計「君威」只是中班貨色。
西澳馬水準參差，儘管「再來風」曾勝表列賽，但已證明不是另一匹「紙醉金迷」，看其前次響三班跑第五，減至62分終於有走勢，落四班應該有價講，值得一博。