世少盃今晚開騷有得睇

猪拉多纳

國際足協世少盃今日殺到埋身喇！呢項兩年一度嘅U17足球盛事，廿四支球隊今屆會師阿聯酋展開角逐，巴西、意大利、阿根廷等傳統勁旅為捧盃實爭崩頭，一眾潛力新星亦趁踏上呢個大舞台嘅機會，施展渾身解數博上位。

今日首先上演四場分組賽，揭幕戰A組巴西火併斯洛伐克於周四晚8時30分開賽，無綫明珠台於8時55分開始直播。而於周四晚11時30分開賽嘅B組賽事科特迪瓦硬撼意大利，則於TVB網絡電視13頻道直播，今屆賽事仲有「金句王」Peter妙語連珠嘅生鬼旁述添。

另外，闊別香港球迷一年嘅意甲終於有得睇，星期五上演嘅榜首大戰羅馬主場對拿玻里，TVB網絡電視13頻道一樣會播放o架！

（周六凌晨2時45分直播）