米卡李察士拍廣告整蠱女職員

猪拉多纳

曼城今季頭三場英超作客聯賽都贏唔到，今晚造訪韋斯咸力爭首場作客勝仗。
韋斯咸曼城入球騷

不過後衞米卡李察士賽前一啲都唔緊張，日前佢仲化身「整蠱王」，假扮喺拍攝電視廣告時受傷，嚇到成班女職員憂心忡忡，米卡李察士知道「奸計」得逞後開心到哈哈大笑，認真百厭。

講番今場比賽，韋斯咸中場拉夫摩利臣近期人氣急升，風頭拍得住啱啱幫英軍取得世盃入場券嘅熱刺中場安祖斯唐辛，佢喺周中代表英格蘭U21出戰歐國盃外圍賽梅開二度，帶領英軍以五比○大勝立陶宛，腳風順到不得了。曼城今季作客卡迪夫城、維拉都在領先情況下輸番轉頭，客Ｗ信唔過，寧捧入球大。