駕世鞍強配求逞

不死鸟

第四場四班1650米。「金碧神駒」新西蘭馬踏入五歲表現明顯進步，季內在四班角逐有贏有位水準穩定，上仗同程排大外檔全程留後跑，與贏馬時擺在前走跑法大相逕庭，復課再操眼見狀態勇健依然，今次只要調整跑法絕對有權施展回馬槍。「威財寶」班利路合，用蔡明紹減磅有利，屬另一爭勝主角，再揀可兼顧「神箭金剛」及「新意思」。
第五場四班1800米。「駕世鞍」今季脾氣稍為好轉，連一向盲目的沙田都有好表現，如上仗角逐沙田1800米，配蘇狄雄走內欄如入死胡同，馬有而前面冇路可走，反映「駕世鞍」戰鬥力已重現，回師主場配上韋達，機會值得看俏。
配腳首選「馬威力」，上次排位欠佳仍近，顯然有班利，用梁家俊減磅更利發揮。「開心錢」四班肯定有利，馬有平均快速，且戰且走有威脅。「太平洋」勝在狀態大勇，回跑馬地形勢有利，都可兼顧。